Til baka í yfirlit
Fræðsla
Starfsfólk er hvatt til þess að sækja sér fræðslu og endurmenntun til að byggja upp og viðhalda þekkingu og færni.
Starfsfólk er hvatt til þess að sækja sér fræðslu og endurmenntun til að byggja upp og viðhalda þekkingu og færni.
Þekking og færni starfsmanna skiptir okkur máli
Fræðsla, endurmenntun og reglubundin þjálfun er hluti af daglegum störfum starfsmanna allt árið um kring. Um er að ræða innanhússfræðslu þar sem starfsfólk upplýsir hvert annað og hins vegar eru það utanaðkomandi aðilar sem halda fyrirlestra hjá sjóðnum.
Haldnir eru reglulegir fyrirlestrar með það að markmiði að byggja upp þekkingu og færni starfsmanna, í samræmi við stefnur okkar og gildi. Fræðslustarf sjóðsins skiptist því annars vegar í sérhæfða endurmenntun og hins vegar í almenna fræðslu.
Metnaður og vandvirk vinnubrögð skipta okkur máli
Fræðslustundir námu 1.261 klukkustund árið 2025 og jafngildir það því að starfsmenn sjóðsins hafi að meðaltali hlotið 44 klukkustundir í þjálfun á árinu. Um 30% af fræðslustundum ársins eru vegna endurmenntunar, starfs- og síþjálfunar sem starfsmenn þurfa á að halda til að viðhalda réttindum og hæfni til að sinna störfum sínum. Um er að ræða starfsmenn sem eru að viðhalda réttindum í löggiltri endurskoðun, sem viðurkenndir bókarar og að styrkja þekkingargrunn sinn til eigna- og áhættustýringar. Starfsmenn annarra sviða og deilda sækja einnig námskeið og fræðslufundi ásamt því að eiga kost á að stunda lengra háskólanám samhliða starfi sínu.
Árlegt starfsmannasamtal er hluti af starfsþróun hvers starfsmanns. Samtalið gefur starfsmanni og stjórnanda færi á að ræða verkefni, líðan, vinnuaðstöðu, það sem betur má fara og aðgerðir til úrbóta. Starfsmannasamtalið er jafnframt tæki starfsmanns til að hafa áhrif á eigið starf, hæfni, starfsþróun og fræðslu. Áhersla er lögð á samvinnu og góð samskipti starfsmanna og stjórnenda og hafa starfsmenn ávallt tækifæri til að ræða við stjórnendur utan hefðbundinna starfsmannasamtala.