Til baka í yfirlit
Iðgjöld
Skyldusparnaður leggur grunn að lífinu eftir starfslok og tryggir ævilangan lífeyri og áfallalífeyri.
Skyldusparnaður leggur grunn að lífinu eftir starfslok og tryggir ævilangan lífeyri og áfallalífeyri.
Launamenn, atvinnurekendur og þeir sem stunda sjálfstæða starfsemi skulu greiða iðgjöld í lífeyrissjóð frá 16 ára til 70 ára aldurs. Aðild að Birtu lífeyrissjóði byggist á ákvæðum kjarasamninga stéttarfélaga, aðild fyrirtækja eða á almennum forsendum. Í sjóðnum eru launamenn sem starfa hjá aðildarfyrirtækjum og/eða byggja starfskjör sín á kjarasamningum stéttarfélaga. Þeim er líka heimil aðild sem hvorki eru bundnir kjarasamningum tengdra stéttarfélaga né njóta ráðningarbundinna starfskjara sem byggð eru á kjarasamningum en óska eigi að síður eftir aðild að sjóðnum.
Í árslok 2025 áttu 104.590 einstaklingar réttindi í samtryggingardeild Birtu lífeyrissjóðs. Á árinu 2025 greiddu 18.701 iðgjald til samtryggingardeildar en 18.892 árið 2024. Virkir sjóðfélagar voru 16.706 á árinu 2025, það er að segja þeir sem greiddu að jafnaði iðgjöld til sjóðsins með reglubundnum hætti í mánuði hverjum. Alls greiddu 6.284 launagreiðendur iðgjöld á árinu 2025 og námu iðgjaldagreiðslur til samtryggingardeildar 24.053 milljónum króna að meðtöldum réttindaflutningi og endurgreiðslum. Framlag ríkisins til jöfnunar á örorkubyrði nam 261 þúsund krónum á árinu 2025 en var 232 milljónir króna á árinu 2024.
Á árinu 2025 námu iðgjaldagreiðslur til séreignardeildar, fyrir réttindaflutninga og endurgreiðslur, 1.131 milljónum króna en 1.094 milljónum króna árið áður. Það er 3,44% hækkun frá fyrra ári. Iðgjaldagreiðslur til tilgreindrar séreignardeildar, fyrir réttindaflutninga og endurgreiðslur, námu 628 milljónum króna á árinu 2025.
| Sérhæfð byggingarstarfsemi | 15,86% |
| Bygging húsnæðis, þróun bygginga | 11,26% |
| Sala, viðgerðir og viðhald á vélum | 6,07% |
| Framleiðsla á málmvörum | 5,62% |
| Heildverslun | 4,91% |
| Opinber stjórnsýsla | 4,87% |
| Rafmagns-, gas- og hitaveitur | 4,39% |
| Veitingasala og þjónusta | 3,61% |
| Smávöruverslun | 3,32% |
| Matvælaframleiðsla | 2,62% |
| Framleiðsla málma | 2,50% |
| Framleiðsla á vélum | 2,30% |
| Þjónustustarfsemi á sviði upplýsingatækni | 2,24% |
| Starfsemi arkitekta og verkfræði | 1,88% |
| Annað | 28,55% |
| Ríkissjóður Íslands | |
| Marel Iceland | |
| Rarik ohf. | |
| Rio Tinto á Íslandi | |
| Atvinnuleysistryggingarsjóður | |
| Landsvirkjun | |
| GR Verk ehf. | |
| Samskip hf. | |
| Brimborg ehf. | |
| Eykt ehf. | |
| Ístak hf. | |
| Veitur ohf. | |
| Kaupfélag Skagfirðinga | |
| Fæðingarorlofssjóður | |
| Securitas hf. | |
| Norðurál Grundartangi ehf. | |
| Íslensk verkmiðlun ehf. | |
| BL ehf. | |
| Byggingafélag Gylfa og Gunnars hf. | |
| Serra ehf. |