Sjóðfélagar sem greitt hafa til samtryggingardeildar hjá Birtu lífeyrissjóði geta sótt um húsnæðislán hjá sjóðnum, að uppfylltum ákveðnum skilyrðum.
Aukning var í afgreiddum sjóðfélagalánum milli ára en veitt voru 858 sjóðfélagalán á árinu 2025 samanborið við 512 lán árið áður.
Fjárhæðir í milljónum kr.
Fjárhæðir í milljónum kr.
| 32.319 | 15.843 | 8.364 |
Í árslok 2025 voru lán til sjóðfélaga um 91,1 milljarður króna en voru 67,2 milljarðar árið áður. Þetta eru um 12,4% af heildareignum sjóðsins sem er nokkur aukning milli ára en hlutfallið var 9,7% árið áður.
fjárhæðir í milljónum króna
Vanskilahlutfall sjóðfélagalána lækkar á milli ára og var um 0,0138% samanborið við 0,021% árið áður.
Færri sjóðfélagalán voru greidd upp á árinu en undanfarin ár en greidd voru upp 386 lán að fjárhæð 6,1milljarða króna samanborið við 455 lán að fjárhæð 6,93milljarða króna árið áður.
Með lánareiknivél á heimasíðu sjóðsins er hægt að kynna sér hvaða tegund lána hentar best
Hámarks veðsetningarhlutfall er 65% af fasteignamati eða kaupverði í fasteignaviðskiptum nema þegar um fyrstu kaup sjóðfélaga er að ræða en þá er veðhlutfallið 75%.
Hægt er að velja milli þriggja lánategunda:
Með lánareiknivél á heimasíðu sjóðsins er hægt að kynna sér hvaða tegund lána og samsetning hentar best. Allar lánategundir eru í boði með jöfnum greiðslum eða jöfnum afborgunum og lánstíminn getur verið á bilinu 5 – 40 ár.
Lánsrétt eiga, að uppfylltum öðrum skilyrðum lánareglna:
Á árinu 2025
Hámarkslánsfjárhæð sjóðfélagalána var hækkuð úr 65 milljónum króna í 85 milljónir króna í apríl 2025, hámarksveðhlutfall er 65% af fasteignamati eða kaupverði ef um fasteignaviðskipti er að ræða en allt að 75% ef um fyrstu kaup er að ræða.
Breytilegir verðtryggðir vextir sjóðfélagalána hækkuðu á árinu úr 3,16% í ársbyrjun 2025 í 3,60% í árslok. Óverðtryggðu vextirnir lækkuðu hins vegar úr 9,60% í 8,35% samhliða lækkun meginvaxta Seðlabankans á árinu. Breytilegu verðtryggðu vextirnir fylgja þróun vaxta á verðtryggðum ríkisskuldabréfum og óverðtryggðu vextirnir fylgja meginvöxtum Seðlabanka Íslands.
Lánstími lána er 5 – 40 ár, lágmarksfjárhæð er kr. 1 millj. kr. og er að hámarki kr. 85 millj. kr. og hægt er að velja milli jafnra afborgana eða jafnra greiðsla af lánunum.
Sjóðfélagar sækja um lán með rafrænum skilríkjum á heimasíðu Birtu, fá rafrænt greiðslumat og afla sjálfir nær allra gagna sem nauðsynleg eru
Mikil aukning var í lánsumsóknum á árinu 2025 en afgreidd voru 858 lán á árinu samanborið við 512 árið á undan. Vegna þess þá lengdist afgreiðslutími lánsumsókna nokkuð á árinu en hann var lengstur rúmar 5 vikur fyrir endurfjármagnanir, lánsumsóknir vegna fasteignakaupa ganga fyrir og eru afgreiddar innan þess frests sem umsækjendur hafa samkvæmt kauptilboði. Í lok árs hafði hægt aðeins á og biðtíminn styst samhliða.
Í árslok 2025 rann út almenn heimild til að ráðstafa séreignarsparnaði inn á lán eða vegna íbúðakaupa. Áfram er í gildi heimild fyrir fyrstu kaupendur að nýta séreignarsparnað skattfrjálst vegna kaupa eða byggingar á fyrstu íbúð. Heimildin skiptist annar vegar í útborgun uppsafnaðs séreignarsparnaðar og hins vegar mánaðarlega ráðstöfun séreignarsparnaðar inn á íbúðalán. Árleg hámarksnýting er 500.000 kr. fyrir hvern einstakling og nýtingin getur staðið yfir í 10 ára samfellt tímabil.